Díli, 02 Dezembru 2024–Diretór Ezekutivu Ajénsia TIC TIMOR I.P. Sr. Venãncio Pinto no ekipa hala’o enkontru ho ekipa Treinocate husi Indonesia iha edifisíu TIC TIMOR Kaikoli.

Enkontru ne’e hala’o objetivu tanba parte husi Treinocate iha planu atu realiza seminariu internasional ida iha Dili tanba ne’e sira hakarak halo kolaborasaun ho Ajénsia TIC TIMOR I.P. hodi fó apoíu ba sira. 

Ekipa Treinocate mós husu ideia ba Diretór Ezekutivu TIC TIMOR no ekipa oinsa atu kria tema ida ligadu ho IT bazeia ba nesesidade aúdensia sira iha Timor-leste.

Hatan ba asuntu hirak ne’e,  Diretór Ezekutivu Ajénsia TIC TIMOR I.P. Sr. Venãncio Pinto mós fó ninia solusaun oinsa mak TIC bele fó apoíu masímu hodi realiza seminariu internasional ne’e ho diak. 

Lider masímu Ajénsia ne’e mós fó sujestaun ba parte Treinocate atu kolabora ho Diresaun Data Center ho Únidade Siberseguransa hodi realiza seminariu internasional ida ne’ebé ninia topiku ne’e foku ba iha Data Center no Siberseguransa.

Iha okasiaun ne’e mós  Diretór Ezekutivu esplika kona-ba servisu Ajénsia TIC TIMOR nian ne’ebé hanesan Ajénsia estadu ida iha ninia Sentru Dadus rasik hodi akumula hotu dadus governu nian iha fatin ida ho seguru.

Seminariu ne’e sei involve mós aúdensia sira husi Instituisaun estadu sira ne’ebé iha área ICT, inkuli Universitariu sira.

Iha enkontru ne’e partisipa mós husi Account manager Sra. Heni  Nur Raina, Marketing Treinocate Sra. Indah Kavaliani, Sr. Ronny Kurniawan, Diretór Servisu Infraestrutura no Rede Sr. Andre Felix Marques, Diretor Diresaun Sentru Dadus TIC TIMOR  Sr. Rusmin Vicente de Fatima Soares, Xefi Únidade Siberseguransa TIC TIMOR Sr. Agostinho Perreira Araujo, Xefi Departamentu Infraestrutura Rede Sentru Dadus Sr. Agapito dos Santos Barreto.

(Media TIC)