DÍLI, 04 Dezembru 2024- Reprezentante husi Asean Development Bank (ADB) Sra. Karole Lepesoor ho nia ekipa hala’o enkontru koordenasaun servisu hó ekipa TIC TIMOR, iha edifísiu TIC TIMOR Kaikoli.

Objetivu husi sorumutu ne’e, parte ADB hakarak hatene di’ak liu tan kona-ba papél TIC TIMOR nian, nomós servisu ne’ebé Ajénsia ne’e hala’o ona, liu-liu kona-ba Govern-Eletrónku nomós Centru Dadus.

Iha enkontru ne’e, reprezentante husi ADB hatete, sira  nia servisu iha relasaun ho  Governu-Eletróniku no sira iha projetu ida iha Timor-Leste kona-ba CentruDadus tanba ne’e, sira nia parte pretende atu hatene diak liu tan kona-ba servisu Sentru Dadus  iha TIC TMOR  no Governu-Eletróniku, atu nune’e iha porsibilidade atu ADB bele fo asistensia nesesária.

Iha fatin hanesan, Assessór Prinsipál TIC TIMOR Dr. Esebio Guterres hato’o liafuan bem-vindu ba ekipa husi ADB ne’ebé iha inisiativa atu hatene diak liu tan kona-ba servisu ne’ebé durante ne’e TIC TIMOR hala’o liu-liu kona-ba Governu-Eletróniku.

 Dr. Esebio Guterres mos esplika kompriensivamente katak, kompetensia TIC TIMOR, haktuir enkundramentu jurídiku vijente no programa IX Governu Konstitusional, ne’ebé esplika komprensivamente.

Iha oportunidade hanesan, Diretór Diresaun Dezenvolvimentu Sistema Informasaun no Aplikasaun (DDSIA) Sr. Justo Fernandes esplika katak, TIC TIMOR hanesan únika Ajénsia Teknolojia iha Timor-Leste ne’ebé estabelese hó propózitu atu responde   ba nesesidade Governu Dijitál.

Diretór esplika hahú husi servisu aplikativu kona-ba atinjimentu no dezafiu, evolusaun servisu Rede no Data Center, atendimentu atual Siberseguransa nomós Timor Dijital, konklui ho enfaze kona-ba priodidade ba Data center ne’ebé robusta, seguru eskalabilidade no assesivel hatuir padraun internasional.

TIC TIMOR iha planu longu praju iha área ICT nian no Timor Dijitál, hanesan programa ida ba tinan sanulu nian, ne’ebé oras ne’e dadauk konsentra prinsipalmente iha área hanesan Saúde, Edukasaun, Agrikultura nomós Administrasaun Públika. No kestaun ida ne’e sai hanesan parte husi programa IX Governu Konstitusionál nian.

Tanba ne’e TIC TIMOR ninia servisu atu halo transformasaun dijital no TIC TIMOR mós halo ona sensibilizasaun iha munisipiu 12 iha territoriu nasional nia laran tomak, inklui RAEOA nomós Atauro. Alende ne’e, dezenvolve ona sistema aplikasaun  ba instituisaun estadu lubuk ida.

Ajénsia ne’e mós harí ona Diresaun Centru Dadus hodi sentraliza dadus Governu. Alende ne’e, TIC TIMOR mós iha Unidade Seguransa Sibernétika hodi asegura dadus hirak ne’ebé sentraliza iha Sentru Dadus Governu Eletróniku ne’ebé jere husi TIC TIMOR rasik. TIC TIMOR mós iha planu ba longu praju ne’ebé sei hala’o iha tinan liman nia laran.

Enkontru konklui ho afirmasaun ba TIC TIMOR sei prepara lista nesesidade bazeia ba posibilidade ne’ebé ADB bele halo.

Entretantu enkontru ne’e, partisipa mós husi Diretora Diretora Diresaun ervisu Korporativu Sra. Helen Esmeralda C. Gomes, Diretór Diresaun Servisu Infraestrutura Rede Sr. André Felix Marques, Diretór Diresaun Sentru Dadus Sr. Rusmin Vicente Soares, Xefe Unidade Seguransa Sibernétika Sr. Agostinho Pereira Araújo nomós Koordenador Timor Dijitál Sr. Eusebio de Jesus Gouveia.