Díli, 12 Agostu 2024— Diretór Ezekutivu Ajénsia TIC TIMOR I.P., Sr. Venâncio Pinto, akompaña husi Diretór DDSIA,  Sr. Justo Fernandes no ekipa, hala’o enkontru hó ekipa husi Komisaun Terras no Propriedades, iha edifisíu TIC TIMOR kaikoli.

Objetivu husi enkontru ida ne’e  hó intensaun parte  Komisaun Terras no Propriedades  solisita Ajénsia TIC TIMOR atu dezenvolve sira ninia Website ofisiál hodi públika atividade relasiona ho servisu terras no propriedade nian inklui dezenvolve Sistem baze dadus iha instituisaun refere. 

Iha reuniaun ne’e, Sekretariu Ezekutivu Komisaun Terras Propriedades, Sr. Celito Cardoso hatete katak, nudar instuisaun foun, Komisaun Terras no Propriedades pretende adapta hó dezenvolvimentu Sistema teknologia atual  ne’ebe kontinua desenvolve, maibé,  Instituisaun Terras no Propriedades rasik, la iha rekursus umanus disponibilizados iha área informátika, tamba ne’e, sira nesesita tebes apoios nesesárius  husi Instituisaun TIC TIMOR I.P..

Além disso, Sekretáriu ne’e saliente liu tan katak, tuir informasaun ne’ebé sira hetan,  durante  ne’e Agência TIC TIMOR fornese apoíu ba dezenvolvimentu  Sistema iha  instituisaun estadu sira,  tamba ne’e,  Komisaun Terras no Propriedades iha interesante tebes,  atu  estabelese  kooperesaun de servisus hó  TIC TIMOR I.P..

Iha oportunidade ne’e, Sekretariu Ezekutivu Komisaun Terras Propriedades, mos expresa nia intensaun katak, nia Instituisaun nesesita tebes atu kria Website Ofisiál,  hó objetivu atu publika ofisialmente kestoens relasionadu hó asuntu rai no mos  informasaun seluk relasiona hó atividades Komisaun Terras no Proriedade nian.

Relasiona hó kestoens sira ne’ebe Komisaun Terras Propriedades hato’o, Diretór Ezekutivu TIC TIMOR hato’o gratidaun ba konfiansa tomak ne’ebé instituisaun estadu sira depozita ba TIC TIMOR I.P., inklui Terras no Propriedade ne’ebé foin hetan koñesimentu husi existênsia TIC TIMOR, relasiona hó fornesimentu apoiu  sistema dijitalizasaun ba instituisoens públikas no setór privadu sira, bazeia ba programa IX Governu Konstitusionál iha programa 2.8 ne’ebé ko’alia kona-ba Teknolojia Informasaun no Komunikasaun no programa 6.7 kona-ba Governu Eletróniku ne’ebé nudar referénsia prinsipál no atribui ba  TIC TIMOR hanesan misaun prinsipal iha  implementasaun Governu Eletróniku iha país Timor-Leste nia laran tomak.

Diretór Ezekutivu TIC TIMOR  enfatiza katak, “TIC TIMOR  apresia hó konfiansa ne’ebe Terras no Propriedades depozita mai TIC TIMOR, hodi dezenvolve Website no Aplikasaun iha sira nia instituisaun, no TIC TIMOR sempre pronto no desididu atu fornese apoius nesesárius ba solisitasaun husi Instituisaun Terras no Propriedades”, tenik Diretór Ezekutivu TIC TIMOR.

Superior TIC ne’e informa tan katak, TIC TIMOR nia planu prioridade iha futuru maka, sei estabelese koordenasaun servisu ho empresa públika sira hotu, hó objetivu atu dezenvolve sira nia Website no Aplikasaun,  inklui fornesimentu kapasitasaun ba sira,  inklui formas de utilizasaun ba Sistema ne’ebe existe.

Iha fatin hanesan, Diretór Dezenvolvimentu Sistema Informasaun no Aplikasaun (DSIA), Sr. Justo Fernandes, halo mós introdusaun kona-ba progresu servisu ne’ebé TIC TIMOR implementa ona ligadu ho dijitalizaun,  nune’e instituisaun estadu sira hotu bele iha koñesimentu kona-ba saida de’it mak TIC TIMOR I.P. hala’o ona, em konformidade ho programa IX Governu konstituisional nian, ne’ebe atribui mai TIC TIMOR.

Diretór ne’e enfatiza tan katak, Diresaun DSIA dezenvolve ona sistema Website, Portal no Aplikasaun kuaze 40 resin iha instituisoens públika sira. Liutan Diretor ne’e mós esklarese tan katak, hafoin desenvolvimentu portal TIC TIMOR mos sei fó formasaun ba utilizasaun portal refere.

Entretantu enkontru ne’e partisipa mós husi kargu Xefia sira husi TIC TIMOR, inklui husi Komisaun Terras no propriedades nian.

(Média TIC)