Díli, 19 Agostu 2024—Tekníku Ajénsia TIC TIMOR I.P. frnese formasaun Utilizasaun Sistema Ofisíu, Sistema Rekursus Umanus no Website Ofisiál ba funsionaríu Ministériu Planeamentu no Investimentu Estratejíku (MPIE) iha edifisíu MPIE Hudi laran.  

Objetivu husi formasaun atu hasa’e kapasidade ba funsionáriu non-tekníku MPIE hodi fasilita prestasaun de servisu hó efisiensia no efikásia liutan.  Sistema dijitalizaun ne’e hó nia objetivu atu fasilita diak lkiu tan servisu administrasaun hanesan, arkivu informasaun no dijitaliza jestaun ba servisu sira seluk liuhosi utilizasaun Sistema Ofisíu, Sistema Rekursu Umanu no Website Ofisiál ida ne’e. TIC TIMOR rasik internalmente utiliza ona sistema ida ne’e no sistema ne’e ajuda tebes hodi hala’o servisu.

Bainhira hahu formasaun Diretór Ezekutivu Ajénsia TIC TIMOR I.P. Sr. Venâncio Pinto, hateten, kooperasun ne’ebé estabelese entre Ministériu Planeamentu no Investimentu Estratejíku (MPIE) hó Ajénsia TIC TIMOR, hanesan forma ida atu implementa programa IX Governu Konstitusional ne’ebe atribui mai TIC TIMOR hanesan misaun pertinente ida, atu dezenvolve implementasaun Governu Eletroníku iha país nia laran tomak.  

“Ohin loron MPIE ho TIC TIMOR marka pasu importante foun ida, iha esforsu atu alkansa programa IX Governu Konstituisional ne’ebe manifesta ona atu implementa Governu Eeletroníku. Koalia kona ba Governu Eletroníku, ita tenke inisia ona transforma forma manual ba forma dijitalizaun, tamba misaun ida ne’e nudar rekezitus pertinente ida ne’ebé ita tenke prienxe iha tinan 2025, bainhira ita tama ba ASEAN no Organizasaun Mundial de Komérsiu ka “World Trade Organization (WTO)”.

Superior ne’e mós enfatiza liu tan kona-ba ezistensia Ajénsia TIC TIMOR ne’ebé importante tebes, tamba nudar Instituisaun estadu ida ne’ebé nia papél de servisu foku ba  jere infraestrutura Governu Eletroniku hodi asegura liña koneksaun ba Instituisaun Estadu sira hotu, hodi hetan servisu konetividade.

Lider masímu ne’e mós saliente tan katak, formasaun ne’ebé tekníku TIC sira fornese nudar  pakote ida husi programa IX Governu nian relaciona hó Governu Eletroníku, ne’ebe previsto iha termus pontus 2.8 no 6.7.

“Ohin ne’e importante tebes ba formandu sira, tamba pakote formasaun ne’e hanesan pasu dahuluk husi introdusaun ba dijitalizaun iha instituisaun estadu sira. Bainhira Instituisaun Estadu sira sistemátiku ona,  sei fó espasu atu estabelese komunikasaun no korrespondesia  hó forma fásil liuhusi sistema dijitál eletroníku”.

Diretór Ezekutivu ne’e mós rekomenda  ba formandu sira, atu foku no aproveita oportunu ida ne’e ho diak, tamba objetivo husi formasaun ida ne’e, nudar oportunidade atu hetan koñesimentu klean kona-ba utilizasaun Sistema, hodi aselera servisu sira ho efisiensia no efikasia.

Lori Ajénsia nia naran Diretór Ezekutivu hato’o agradesimentu ba MPIE tanba fó ona konfiansa mai TIC TIMOR I.P., hodi efetua implementasaun Governu Eletroniku no habelar papél TIC TIMOR nian ba Ministériu sira. “Ita nia boa Governasaun hahú agora atu bele atinji formas dijitalizasaun iha areas oi-oin iha future”.  Tenik Diretór Ezekutivu TIC TIMOR ne’e.

Iha fatin hanesan Diretór Jerál Ministériu Planeamentu no Investimentu Estratejíku (MPIE) Sr. Celso Oliveira hatete, durante ne’e sira simu karta entrada  no karta saída inklui despaxu,  sei hó forma manual, nune’e, formasaun ida ne’e bele dijitalizasaun obrigatória iha Ministériu,  no solisita ba funsionáriu sira hotu atu kumpri regra sira ne’ebe sei estabele, hó plena rsponsabilidade.   

“Bainhira finaliza ona formasaun ne’e, buat hotu formaliza ita sei avansa ho diploma Ministerál, portanto, estrutura reprezentativu sira iha Ministériu hahú husi Ministru to’o nivél kraik, mandatoriu atu utiliza formas elektrónika ba karta tama-sai inkuli despacho sira”.

Diretor Jeral MPIE ne’e mós hato’o agradesimentus wain ba Diretór Ezekutivu TIC TIMOR hó  ekipa tekníku sira, ne’ebé  disponibiliza ona atu partilha  koñesimentu klean kona-ba utilizaun sistema sira, ne’e nune’e sira bele fasilita  servisu hotu hó sistema eletroniku hó kualidade.

Entretantu abertura ba formasaun ne’e hetan partisipasaun mós husi Kargu Xefi sira husi Ajénsia TIC TIMOR I.P.  nune’e mos husi MPIE.

(Média TC)