Díli, 20 Agostu 2024—Diretór Ezekutivu Ajénsia TIC TIMOR I.P. Sr. Venâncio Pinto hamutuk ho ekipa hala’o enkontru ho Program Manager UN Woman Sra. Nuntana Tangwinik ho nia ekipa, iha edifísiu TIC TIMOR I.P. Kaikoli.

Realizasaun enkontru enkontru ida ne’e hó objetivu atu proporsiona solusoens ba kestoens sira ne’e apresenta husi  UN Woman. Sira informa katak,  durante ne’e, sira estabelese ona koordenasaun de servisus hó parseiru lubuk ida hodi dezenvolve aplikasaun atu hodi suporta  sira nia projetu, infelizmente, to’o ohin loron, sira seidauk iha aplikasaun ida ne’ebé espesiku tuir sira nia tarjetu ba projetu ne’ebé sira hakarak implementa. Tanba ne’e sira solisita Ajénsia TIC TIMOR atu fornse apoíu nesesárias, forma oinsa atu dezenvolve sistema aplikasaun hodi suporta sira nia projetu.

Husi parte UN Woman hatete, sira presija hatene no komprende uluk lai papél TIC TIMOR nian, no importansia ba estabelesimentui sistema ida ne’ebé konsentra liu ba bai ha violensia hodi fó protesaun ba labarik kiik oan sira,  nune’e, bele suporta sira nia projetu ne’ebé UN Woman  atu estabelese iha  fulan Novembru tinan 2024. 

Iha fatin hanesan, Diretór Dezenvolvimentu Sistema Informasaun no Aplikasaun (DSIA) Sr. Justo Fernandes informa, katak Ajénsia TIC TIMOR I.P. hanesan Ajénsia Governu ida ne’ebé servisu ba atendimentu públiku sira hodi fornese insfraestrutura rede, Sentru dadus, fornesimentu VPS (Virtual Private Server), kolokasaun, dezenvolvimentu aplikasaun ho númeru total 168.

Ajénsia  mós fornese apoíu tekníku ba kliente sira winhira nesesita TIC TIMOR ninia apoiu. 

Iha enkontru ne’e mos konta hó partisipasaun husi Assesor prinsipál TIC TIMOR I.P. Dr. Eusebio Guterres.

(Média TIC)