AJÉNSIA TIC TIMOR I.P. ASINA SLA HO MAPPF

 Díli, 23 Agostu 2024-Ajénsia TIC TIMOR I.P Asina Service Level Agreement (SLA) ho Ministériu Agrikultura, Pekuária, Peska no Floresta (MAPPF), iha edifísiu MAPPF Komoro.

Asina akordu ne’e ho objetivu atu atu fasilita nivél prestasaun servisu Ministériu Agrikultura Pekuaria Peskas no Floresta (MAPPF) no kontribui atu reforma sistema jestaun informasaun (MAPPF) iha área baze dadus, liña internet, sistema dijitál sira.  

Iha serimónia ne’e, Diretór Jerál Servisu Koorporativu MAPPF Sr. Rofino Soares Gusmão hatete, koperasaun entre TIC ho MAPPF ninia benefísiu boot ba tebes ba implementasaun servisu dijitál iha Instituisaun nia laran.  

“Vantajen diak tebes hala’o kooperasaun ho TIC TIMOR  ba akordu tekníku ne’e ba oin oinsa mak  bele implementa diak liutan iha servisu loron-loron nian. Ministériu agrikultura iha área boot ha’at ne’ebe’ nesesita tebes duni hodi husu apoíu servisu ne’ebé liga ba servisu tekníku nian maibé iha área administrasaun no finansas ho rekursu umanu inklui aprovizionamentu no planeamentu presija internet” informa Diretór ne’e.  

Diretór Jerál ne’e saliente tan katak, sira hatene katak TIC TIMOR apoíu ona liña Ministeriál barak ida ne’e hatudu progresu servisu ne’ebé kualidade diak iha área teknolojia nian.

“Ami hetan informasaun katak TIC komesa loke nia liras servisu makas liutan ba liña Ministeriál sira ida ne’e hatudu pogresu boot ida ne’ebé diak, ita haree sistema informatika ne’e laos hanesan nesesidade ida ne’ebé bai-bain maibé kategoria ba nesisidade primaria ne’ebé ita tenke priotiza ba iha ita nia servisu loron-loron tanba servisu hotu-hotu iha instituisaun barak liu liga ho IT”,esklarese nia.

MAPPF mós husu ba TIC TIMOR atu nafatin apoíu sira atu fó kapasitasaun ba sira nia funsionáru  oinsa atu bele utiliza sistema hirak ne’e hodi atinje duni mehi Governu nian hodi dijitaliza hotu servisu sira.

Iha fatin hanesan, Diretór Ezekutivu Ajénsia TIC TIMOR I.P Sr. Venâncio Pinto hato’o agradese ba MAPPF ho ninia konfinsia mai TIC hodi habelar liutan dijitalizaun iha rai laran.

“TIC agradese tebes ho konfiansa ne’ebé Ministériu Agrikultura Pekuaria Peskas no Floresta (MAPPF) depozita mai TIC, orgullu boot ida ba TIC hodi asegura programa IX Governu ne’ebé bazeia ba programa IX Governu nian iha programa 2.8 ne’ebé koalia kona-ba teknolojia informasaun no komunikasaun no programa 6.7 koalia kona-ba Governu Eletronika”.

Superior ne’e haktuir tan, bainhira tama ba 2025 Timor-Leste tama ona iha Asean rekezitus ne’ebé  tenke priense mak transformasaun dijital no bainhira sai membru Organizasaun Mundial de Komérsiu ka “World Trade Organization (WTO)” ida ne’e sai mós rekezitus.

Entretantu akordu ne'e asina direta husi Diretór Ezekutivu Ajénsia TIC TIMOR I.P Sr. Venâncio Pinto ho Diretór Jerál Servisu Koorporativu MAPPF Sr. Rofino Soares Gusmão.

Iha serimonia ne’e partisipa mós husi Ekipa Diretivu Ajénsia TIC TIMOR I.P., Diretór Nasionál sira husi MAPPF.

(Média TIC)