Díli, 27 Agostu 2024— Diretór Ezekutivu Ajénsia TIC TIMOR I.P Sr. Venâncio Pinto hamutuk ho Fiskál Úniku (FU) Sr. José Asa, Vise-Diretór Ezekutivu Sr. Eligio Moniz do Rego hamutuk ho Funsionariu tomak hala'o selebrasaun Aniversáriu Ajénsia TIC TIMOR I.P. ba dala-hitu (7) ho tema " Aselera Ezekusaun Governu Eletróniku" iha edifisiu Ajénsia TIC nian iha Ministeriu Transporte no Komunikasaun (MTK) kaikoli.

Iha serimonia ne’e, Diretór Ezekutivu Ajénsia TIC TIMOR I.P. Sr. Venãncio Pinto hatete, TIC hanesan Ajénsia ida ne’ebé foin hamrik maibé tanba nesesidade barak halai tuir ritnu obrigatoriu mundu teknolojia nian atu bele adapta situasaun mundu no responde nesesidade estadu Timor-Leste.

Superior ne’e mós aumenta tan katak, nia sente orgullu ho konfiansa ne’ebé fó hodi lidera TIC nune’e lori dezenvolvimentu Governu Eletroniku iha rai laran ba oin nafatin maske hetan dezafisiu maibé nafatin esforsu hodi avansa ba oin.

“Hanesan Timoroan ha’u sente agradese tanba hetan konfiansa husi IX Governu hanesan Diretór Ezekutivu hodi lidera TIC, hanesan lideransa iha TIC ha’u sente todan tebes, tamba dalaruma ita hanoin buat ne’e fasil maibé koalia kona-ba teknolojia komunikasaun no informasaun, dadus nasaun nian dalabarak buat sira ne’e sai dezafiu boot maibé buat hotu ho pasiensia ita bele ultrapasa situasaun”.

Diretór Ezekutivu realsa tan katak, ho konfiansa ne’ebé fó nia ho ekipa sei halo servisu ICT nian ba oin ho susesu liutan.

“Atan ha’u ho ekipa tomak simu mandate ne’e ho responsabilidade no sei halo buat hotu susesu ho programa IX Governu iha área teknolojia informasaun no komunikasaun nomos diitalizasaun, ami hotu prontu servisu makas hodi lao ba oin”.   

Lider masímu ne’e mós reafirma tan, iha pontu importante ne’ebé mak TIC tau iha prioridade mak hanesan reafirma fali  TIC TIMOR sai nudar Ajénsia nasionál ba ICT estadu nian Timor nian, Ajénsia implementadór ba inisiativa E-government atu promove Governu modernu ne’ebé eletroníku no integradu impropriavavel asesiva sientifikadu no menus birokrasia, haforsa rekursu umanu iha TIC TIMOR hodi responde nesesidade minotrakia nian iha ICT inklui dijitalizasaun.

Tinan 7 hanesan labarik ida ne’ebé foin aprende lao, rekursu umanu komesa iha forma tuir meritu kontinua kompleta no buka timoroan potensial to’o nivél sufisiente hasoru dezafíu iha oin, TIC sei presija timoroan ho espesialidade IT barak liutan, hanesan Diretór Ezekutivu tinan ida ne’e ha’u sente la servisu mesak ba futuru ha’u iha ekipa Diresaun sira ne’ebé iha kapasidade tekníkalmente profisionál no bele abilidade ne’ebé kapas. Tinan oin lao tuir nafatin koridor programa IX Governu alarga servisu hamutuk ho Ministériu hotu-hotu ho apoíu husi S.E Ministru Transportre no Komunikasaun S.E. Vise Primeiru-Ministru hodi bele lori dijitalizaun ba  oin, dehan Diretór Ezekutivu iha ninia diskursu.

Iha fatin hanesan mós, S.E. Ministru Transporte no Komunikasaun (MTK), , Ministru Transporte no Komunikasaun (MTK) Eng. Miguel Marques Gonçalves Manetelu mós hato’o parabéns ba Ajénsia TIC atu kontinua servisu makas ba oin ho profisionalismu.

“Servisu ne’ebé mak TIC halo tiha ona aumenta ba bebeik, ha’u la dehan todan maibé servisu ne’e aumenta nafatin I kontinua boot, Hanesan Ministru tutela, Ha’u hakarak kongratula servisu hotu ne’ebé mak TIC halo hahu husi harii to’o mai ohin loron maske servisu sei barak antes ne’e ha’u hala’o vizita ba TIC TIMOR ha’u dehan ba IT sira atu servisu ho profisionál ba ita nia rain” esperansa Ministru MTK.

Iha oportunu ne’e, bainhira marka prezensa iha Aniversariu TIC ba dala hitu ne’e, S.E. Vise Primeiru-Ministru,  Ministru Koordenador ba Assuntu Ekonómiku, Francisco Kalbuadi Lay  hato’o ninia votos parabéns ba Aniversariu TIC nian ba dala 7 no kontinua servisu nafatin hodi apoíu IX Governu Konstituisional.

“Ha’u lori Vise Primeiru-Ministru  no ha’u nia ekipa hato’o parabéns ba TIC TIMOR, ha’u hatene Ministru Transporte no Komunikasaun hamutuk Diretór Ezekutivu TIC ho nia ekipa sei asegura diak liutan servisu sira iha TIC sei sai diak liutan.

Vise PM aumenta tan, TIC hanesan instituisaun ida ne’ebé importante tebes ne’ebé nia servisu laos de’it iha ninia fatin maibé ninia servisu todan tanba ita haree kuaze apoíu ona instituisaun lubun sira hodi asegura sira nia dadus  ne’ebé la fasil ba sira maibé ho sira nia kapasidade ne’ebé iha ho lideransa Ministru no Diretór Ezekutivu no ekipa, ha’u hanoin ba oin TIC sei lao diak liutan, dehan Vise PM.  

Entretantu iha serimonia ne'e, marka prezensa mós husi Prezidente Ajénsia Autonomia. konvidadus husi liña Ministerial.

(Média TIC).