Díli,15 Outubru 2024— Diretór Ezekutivu Interinu Ajénsia TIC TIMOR I.P. Sr. Justo Fernandes akompaña husi Assesor prinsipál TIC Dr. Eusebio Guterres no ekipa hala’o enkontru kordenasaun servisu hó representantes husi International Finance Corporation (IFC), Sra. Leila Maria Gusmão dos Reis Martins, IFC Operation Officer no Sra. Fangfang Jiang, IFC Principal Operations Officer iha edifisiu TIC TIMOR I.P. Kaikoli.

Iha oportunidade ida ne’e, IFC hato’o katak, sira nia objetivu iha enkontru hó TIC TIMOR, atu hatene diak liu tan informasaun kona ba transformasaun digital iha Timor-Leste. Assunto ne’e, pertinente tebes tamba IFC iha program ba Infestrutura Digital, programa ID Digital (UID), Banku Digital ka  Programa Inkluzaun Digital ne’ebé bele  englobe  e-learning, fintech, aggrotech  no healthtech.  IFC mos enkoraja estabelesementu infraestrutura Datacenter ba Setor Privadu sira.

Sra. Jiang Fangfang saliente tan katak, sira sente orgullu ho TIC TIMOR ne’ebé komesa ona implementa teknolojia informasaun no komunikasaun tanba ne’e sira hakarak suporta TIC TIMOR

Tanba  TIK no Transformasaun Digital  hanesan asuntu transversal,  hó nune’e alende TIC TIMOR hanesan ajensia  principal, IFC mos sei hakbesik an ba instituisaun xave  sira hanesan BCTL no MCI.

IFC realsa  katak programa UID, Politika Siberseguransa, enkuadramentu juridiku ba Privasidade  no Protesaun Dadus, no Siberkrime  ninia  ezistensia  imperativu tebes ba  implementasaun Programa Governu Eletroniku no  Digitalizasaun.

Entretantu  husi TIC TIMOR  hahú  hó introdusaun misaun espesifiku TIC TIMOR nian maka atu halo dezenvolvimentu ba TIK no governu eletroniku iha instituisaun estadu tomak iha teritoriu nasional.  Prununsia mos konaba priodidade IX Governu Konstituisional  no TIC TIMOR nia area de priodidade iha transformasaun digital  kompostu husi Ministeriu Administrasaun Estatal,   Saude, Edukasuan no Agrikultura. Liu tan, hato’o  mos  ezistensia, Infraestrutura Digital hirak ne’ebé TIC TIMOR jere, Sistema no Aplikasaun ne’ebé versatil, partikularmente Sistema Ofisiu no Rekursu Umanu, ne’ebé hahú introdus iha  nivel munisipal. Afirma  mos ba transformasaun digital, sei implementa gradual tetu hó rekursu umanu, prontidaun husi infraestrutura digital  no  finanseira.

Konsidera ba  implementasaun modular ka gradual, kolaborasaun  ho MAE iha implementasaun Balkaun Uniku, ne’ebe  posivelmente  bele  integra programa “Uma Digital” ne’ebé hatur  iha TD 2032.  Programa  UID  iha IX Governu ninia mandatu,  faz parte ona ba MJ.  Por natureza Ajênsia TIC TIMOR  sei kolabora iha parte  tekniku.

Atu proteje  programa governu eletroniku no digitalizasaun, TIC TIMOR  kolabora ho Ministeriu Tutela no MJ, kona ba preparasaun  enkuadramentu juridiku sira, prinsipalmente,  Protesaun Dadus no Privasidade no Siberkrime.

“Ami sente satisfeito servisu hamutuk tanba ita boot sira jeralmente iha ona infraestrutura ICT ida ne’ebé adekuadu atu implementa iha área rekursu saida de’it hodi suporta malu.  Tanba ne’e, ami hakarak rona informasaun saida mak TIC bele transmite mai ami nune’e ita bele servisu hamutuk “.

Ho esplikasaun husi IFC nian, Diretór Ezekutivu Interinu nomos Diretór Dezenvolvimentu Sistema Informasaun no Aplikasaun (DSIA) Sr. Justo Fernande hatete, Ajénsia TIC ninia responsabilidade ba implementasaun Governu Eletroniku iha Timor-Leste.

Governu liu husi TIC mós iha futuru sei foku ba iha área ha’at hanesan Edukasaun, Saúde, Agrikulkura no Estatal dehan Diretór ne’e.

Diretór ne’e haktuir tan katak, TIC TIMOR iha progresu boot ne’ebé atinje ona, hahú husi nasional to munisipiu ne’ebé sentalizadu.

“TIC TIMOR iha ona Data Center ne’ebé konsentra iha Palácio Governu nomos infraestrutura rede ne’ebé implementa ona iha munisípiu ho liña lokál inklui iha ekipa Software Developers ba sistema informasaun no aplikasaun, inklui siberseguransa. Além de ne’e, atualmenete,  ami foku ba iha Portal Governu nian, hanesan Sistema Rekursu Umanu no seluk tan”.

Diretór informa mós katak agora dadaun ekipa TIC TIMOR halo hela sensibilizasaun Governu Eletroniku ba munisipiu sira hotu no ba futuru Governu liu husi programa Governu nian mós iha planu atu fó formasaun ICT ba funsionariu públiku sira iha tinan oin.

Entretantu iha enkontru ne’e partisipa mós husi National ICT Policy & E-Governance Advisor TIC TIMOR Sra. Elizabeth Baptista, Apoíu Lojistika Gabinete Ezekutivu TIC Sr. Antonio Colo.