info@tic.gov.tl +670 77050505

Kona-ba Ami

Informasaun kona-ba Ami

TIC TIMOR, IP

Ajénsia TIC TIMOR nu'udar Institutu Publiku ho nia natureza Juridika ne'ebé maka autonomia administrativa, finanseira, orsamentu no patrimonio rasik haktuir iha Dekretu Lei No. 29/2017. Haktuir ba Dekretu-lei Nu.46/2023 de 28 Jullu, Organika IX Governu Konstitusional tutela ba MTK ne'ebé promulgadu iha área Teknolojia, Informasaun no Komunikasaun

Vizaun

Responsabiliza kona-ba utilizasaun teknolojia, Informasaun no Komunikasaun (TIK), hodi atinje Governu ne'ebé mais intelijente

Misaun

Implementa politika bo estratejia ne'ebe maka aprova ona iha materia kona-ba tekonolojia, Informasaun no Komunikasaun (TIK), jere rede informatika Governu nian no entidade publika sira seluk, inklui halo jestaun ba Infraestrutura teknolojia, informasaun no komunikasaun no fóapoiu iha area TIK no Sistema Informasaun nian

Kompetensia

  • Jere Infraestrutura Governu eletroniku hodi asegura liña koneksaun ba liña Ministeriu, Ajensia Autonomu (AA), no instituisaun Governu ne'ebé hetan servisu konektividade, hospedagen, kolokasaun servidor, dominiu, korreiu Eletroniku (sentru dadus) inklui website, ne'ebé maka konekta mai TIC TIMOR I.P;
  • Dezenvolve Plataforma Eletronika hodi atinje Governu Eletroniku;
  • Hala'o estudu hodi dezenvolve sistema TIK ba Governu, AA no Setor Privadu;
  • Estabelese no dezenvolve padraun teknolojia informatiku hanesan hardware, software no mos asegura -Interoperabilidade, Interligasaun, sentralizasaun kustu & seguransa ;
  • Fornese asesoria iha area TIK ba Instituisaun Estadu nian

Prioridade

  • Asegura implementasaun politika no enkuadramentu juridiku;
  • Reforsa kapasidades instituisional, infraestruturas no rekursus umanus;
  • Implementa estratejia kona-ba modernizasaun administrativa, hodi dezenvolve valor adisional husi Governu Eletroniku;
  • Promove no fasilita Feto sira iha area Teknolojia Informasaun no Komunikasaun;
  • Kria parserias ho setor privadu nasional no internasional, atu bele dezenvolve teknolojia informasaun no komunikasaun;
  • Kontinua fornese formasaun gratuita, iha area informatika husi ótika utilizador nia, dezeñu grafiku no uzu teknolojia de informasaun foun ba peskiza ho investigasaun no kriasaun negosiu;
  • Haforsa kapasidade ekipa resposta ba insidentes Seguransa komputador nian (TL-CSIRT), hodi garante asesu seguru no asesivel ba internet, iha territóriu Nasional tomak.